Rey Manaj ka qenë protagonist i një incidenti të frikshëm në ndeshjen që Sivaspor luajti ndaj Goztepe në kampionatin turk.

Ai pasi pësoi goditje në kokë u dërgua urgjentisht me ambulancë për të iu nënshtruar vizitave të mëtejshme mjekësore në spital.

Stafi mjekësor i Sivasspor ndërhyri menjëherë, duke ofruar ndihmën e parë në vend. Më pas, futbollisti shqiptar u transportua me ambulancë për në spital, ku iu nënshtrua kontrollave dhe vizitave të nevojshme.

Sipas informacionit të fundit, gjendja e Manajt është stabilizuar dhe ai është jashtë rrezikut për jetën.

Mediat turke raportojnë se fjalët e para të Manajt pas ngjarjes kanë habitur mjekët. Sipas burimeve, sulmuesi ka pyetur menjëherë; “A do të mund të luaj në javën e ardhshme?” – një frazë që ka dëshmuar dëshirën e tij të madhe për t’u rikthyer sa më shpejt në fushë, duke treguar edhe njëherë angazhimin dhe pasionin e tij për futbollin.

Rey Manaj’ın Sağlık Durumu Hakkında Bilgilendirme

Sporcumuz Rey Manaj, Göztepe ile oynadığımız karşılaşmanın 3. dakikasında rakip oyuncu ile yaşadığı çarpışma sonucu bilincini kaybetmiş ve sağlık ekiplerinin müdahalesinin ardından Sivas Cumhuriyet Üniversitesi Hastanesi’ne… pic.twitter.com/W02MfrdjV0

— Sivasspor (@Sivasspor) March 9, 2025

Mbetet të shihet koha e rikuperimit të Manajt.

Padyshim ky është një lajm i keq edhe për kombëtaren shqiptare i cila me shumë gjasë nuk do të mund të llogarit në shërbimet e futbollistit për dy ndeshjet e muajit mars ndaj Anglisë dhe Andorrës./Arbresh.info